現年35歲嘅韓國女星孫藝珍早前飛去海外為韓國雜誌拍攝新相，於噚日公開嘅照片中，見到珍妹分別以V領、透視、跌膊等不同造型展示性感一面，同時不失高貴氣質。


孫藝珍於訪問中提到自己最想去嘅地方係非洲，談及旅行嘅感受及自己嘅故事時，又表示：「年紀大咗，心胸就會變寬，會變得更加從容，回憶亦越嚟越多，係件好事。」


35歲嘅珍妹表示年紀越大，心胸越寬闊，而且變得更加從容。
珍妹以不同造型展示性感高貴一面