劉丹、單立文、呂慧儀、林淑敏、蘇韻姿及阮政峰等今日到東涌為節目宣傳，佢哋個個都戴晒聖誕頭飾同小朋友玩遊戲及交換禮物，好有聖誕節氣氛。
劉愷威同楊冪聚少離多，屢傳分手，正所謂冬大過年，唔知新抱仔楊冪噚日有冇返香港一齊做冬呢？劉丹話﹕「冇呀，我個女都唔係香港，愷威就喺度。（要等到2018年先見到？）今年都係得番幾日咋喎，等農曆年啦，到時會見到。」
提到3歲大嘅孫女劉梓蘭，劉丹就梗係開心啦，透露孫女已經開咗兩個聖誕party，屋企棵聖誕樹下面有好多禮物，佢話﹕「佢從來唔會扭計買禮物架，人哋送畀佢，佢會講『Thank you』（爺爺教導有方？）唔知邊個教佢，可能係我老婆啦。」不過，丹爺聖誕節都要開工，希望可以早啲收工返去陪粒孫玩吓。
另外，被傳戲假情真嘅「紅衫魚」蘇韻姿同「池子孝」阮政峰就繼續奉子談情，合照時，蘇韻姿更蹺實阮政峰疑胸壓對方手臂，又做埋心心手勢添。而「大小姐」林淑敏被問有冇信心攞「最佳女配角」，佢就話反而睇好姚瑩瑩，佢話﹕「佢喺《全職沒女》裏面真係好麻甩，我未見過佢真人係咁樣，咁我都同大小姐好唔似，希望雙雙得獎啦。」
 |  囡囡當日出院好熱鬧，唔知幾時先可以再聚埋影番張一家五口合照呢？(資料圖片) |  今年初，有網民影到劉愷威同楊冪一齊出席囡囡學校嘅運動會，但都甚少交談。(資料圖片) |
 |  嘩！捉得咁實，「紅衫魚」疑胸壓「池子孝」手臂喎。 |  |
 林淑敏話本身性格同「大小姐」好唔同，呢啲真係要講演技喇。 |
