聖誕快樂，今日聖誕節，好多朋友都會出埠去旅行，連大忙人周杰倫(周董)都難得可以抽空，陪老婆昆凌去日本過一個浪漫嘅聖誕假期。
噚日平安夜，周董就喺ig貼咗佢同老婆昆凌嘅相，原來周董係喺2014年嘅聖誕節喺英國向昆凌求婚，今年平安夜佢貼圖兼留言話：「結婚周年快樂 @hannah_quinlivan ，也祝大家聖誕節快樂喔」，雖然周董未有講自己身處何地，好多網民就留言話「好閃」，仲祝佢佢哋聖誕快樂，但有眼利嘅網民就話認得相中地方就係日本嘅表參道；另一邊廂，昆凌嘅ig亦貼出同一地點嘅單人相，見佢手上就拎住一啲戰利品，唔係係咪周董送俾老婆嘅聖誕禮物呢！
據知，周董正放一個短暫嘅假期，可以同老婆、仔女享受天倫樂，聖誕後最快嘅公開活動就係明年1月6日喺新加坡舉行《地表最強》巡迴演唱會，至於昆凌就會澳洲跨年。
 噚晚平安夜，周董就喺ig度放閃。(ig圖片) |  (ig圖片) |  (資料圖片) |
