奧斯卡影后珍妮花羅倫絲（Jennifer Lawrence）自2013年開始，每年聖誕都會到家鄉肯塔基州路易斯維爾市嘅兒童醫院探望病童，噚日平安夜佢再趁佳節去到醫院向病童送暖，為患病小朋友及其家屬送上鼓勵，相當有愛心。


珍妮花同真人騷女星Kim Kardashian媽咪Kris Jenner老友鬼鬼，Kris喺Instagram話珍妮花問佢想要咩聖誕禮物，佢就話想要保時捷（Porsche），最終Kris收到珍妮花送上一架兒童玩具車版嘅保時捷。



珍妮花羅倫絲噚日再去到位於家鄉嘅醫院，探望病童送暖。Kris Jenner同珍妮花講話聖誕想收到一架保時捷。
佢最終收到嘅係兒童玩具車版。