劉佩玥、張曦雯同朱智賢噚晚喺屯門出席倒數活動，迎接聖誕。佢哋喺台上扮玩瑜伽動作、經典電影動作，其中劉佩玥同朱智賢演繹《鐵達尼號》喺船頭、從後攬住嘅動作，劉佩玥一手拍落去朱智賢個胸度。
劉佩玥話平時好少着綠裙，趁番個節日發覺原來又OK，不過聖誕夜預咗冇得玩太晏，因為26號要開早，好彩同事就俾佢放番24、25日補數。由於好友陳瀅返咗加拿大，之前又同何雁詩食咗大餐，所以要到31號先再見面。
聖誕係約會嘅節日，不過佢話：「同其他男仔未有緣份拍拖，所以成日同翟威廉，周志文、周志康玩。」佢又話26歲細佬成日問媽咪「家姐喺邊？」，佢就話有少少想喊，因為成日都見唔到細佬。
張曦雯爸爸今晚都有出席活動，佢話朋友都讚爸爸後生，張爸爸喺芝加哥飛嚟香港，張曦雯話呢次係佢入行後第一次同爸爸過聖誕。講到佢條低胸白色長裙，張曦雯話爸爸冇投訴：「唔會，可能佢喺外國生活，但佢覺得聖誕係家庭活動，唔應該着得太性感。」
 攝影：葉君海 |  朱智賢、劉佩玥同張曦雯喺屯門出席倒數活動。 |  要做唔同pose，包括瑜伽動作。 |
 |  仲有呢個《鐵達尼號》嘅招牌動作。 |  呢個係錯誤示範。 |
 正確應該係咁。 |  張曦雯話好多朋友都讚爸爸後生。 |
