唐詩詠今晚單拖去「大佬B」吳志雄60歲壽宴，佢透露去完呢場生日會，仲會去一個聖誕party，都係自己去，仲話噚晚去咗餐平安飯朋友飯局，出席者都係單身人士。


問佢噚晚有冇識到新朋友，唐詩詠話：「其實大家都識咗好多年，自己都唔心急，睇緣份啦！」嚟緊嘅除夕倒數，唐詩詠話都唔會特登約朋友過，都係自己一個人過。