王君馨(Grace)同曹永廉今日喺油塘出席聖誕活動，Grace嘅父母都有出席支持，佢哋話合作嘅劇集《超時空男臣》播咗半年，今次係第一次拍檔出嚟搵真銀，阿廉仲話希望嚟緊有更多合作搵錢機會，仲自薦同Grace合唱。
最近阿廉同黎耀祥、蕭正楠同黃浩然拍嘅旅遊節目《公公出埠》播映，有指蕭正楠同浩然喺拍攝時激嬲阿廉，之間仲好有火，阿廉話：「拍嘅時候我係有唔開心，但係即晚已經冇嘢，仲一齊去飲嘢，我哋返嚟日日都有通聯絡。」問到使唔使擺和頭酒？阿廉話：「當然要，浩賢得罪人，我去已經係畀面，浩賢屋企係開海味舖，應該帶埋花膠去煮，得罪人係要㗎。」
提到噚日平安夜，阿廉同Grace各自同愛人度過，Grace話：「我噚日焗咗個蛋糕，本身只係要40分鐘，但係最終焗咗3個鐘，我即刻打畀陳凱琳求救。老公食咗一啖，佢都叫我下次不如買，因為見我好煩惱。」
而阿廉噚日就早收工，同家人朋友20幾人一齊食私房菜，佢話小朋友就最開心，問到有冇準備禮物交換？阿廉笑話：「男人好少做呢啲，畀咗家用太太。」Grace就話：「我仲未買到洗手間個暖廁板。」
更多娛聞，喺晒《娛果》
 (攝影：羅慧敏) |  |  Grace焗咗3個鐘蛋糕，但其實只係要焗40分鐘 |
 呀廉同Grace各自同愛人度過 |  |  |
