郭富城自從娶咗老婆方媛（Moka），又生埋囡囡Chant之後，工作仍然未停過，雖然佢平日受訪鮮有提家事，但係其實佢都係黐家男。
大陸微博用戶「娛樂給我五」今日出post，指城城日前同老婆Moka喺上海過聖誕，仲指佢哋去咗名店，買完禮物之後再去食飯。張相就得個背影，但見到男方孭住個背囊，左手插袋，右手拖住女伴而行。
睇番女方嘅打扮，再對比番Moka聖誕節當日發嘅微博相，相信係同一人。而Moka個微博亦有影到當晚晚餐嘅食物相，更有佢企喺商場聖誕佈置前影嘅合照，唔知係咪城城操刀。今次兩人撇低囡囡Chant享受二人世界，可見城城好注重夫妻相處時間，認真識做。
 （微博圖片） |  微博用戶爆料城城喺上海過聖誕（微博圖片） |  仲拖埋老婆Moka行名店（微博圖片） |
 城嫂裝扮同爆料相中人相同（微博圖片） |  連相信裝住戰利品嘅手挽袋都一樣（微博圖片） |  城城同Moka食嘅聖誕餐（微博圖片） |
