溫碧霞（Irene）喺聖誕節當晚，請咗成班同事喺屋企開聖誕化裝派對，一班人喺屋企扮鬼扮馬，連佢個仔都扮星戰鬥士，不過愛靚嘅佢就係咁意戴住個頭飾，冇乜特別化妝，今朝佢將照片放喺社交平台，並留言：「快樂停不了！」每年聖誕佢都會出埠，今年佢選擇留港過聖誕。


不過除夕同元旦佢會去塞班島歡渡，今日佢同老公、囝囝已經飛咗去啦！臨飛前《蘋果》打俾佢，Irene話：「今晚我就同老公、囝囝一齊飛去塞班島旅行，個仔知道又可以一家人出去玩，不知幾開心。」今年7月Irene突然與結婚17年的丈夫何祖光分居，幸而最終可以破鏡重圓，彼此更珍惜對方，Irene話以後會分配好時間，留番多啲時間俾家人。

溫碧霞聖誕喺屋企同朋友慶祝。(微博圖片)一大班朋友扮鬼扮馬。(微博圖片)(微博圖片)
(微博圖片)(微博圖片)