無綫人氣王Signal Wong王浩信，幾乎坐定粒六台慶頒獎禮攞大獎，爭在只係男主角定我最喜愛男角色。
獎未到手，Signal Wong繼續開工，新劇《兄弟》對手仲有伍允龍、劉穎鏇（Tiffany）、朱晨麗同楊明等等。又要露肉演出嘅伍允龍之前笑住呻話因為次次拍劇都要晒肌，搞到每逢開工都冇得食最愛嘅叉燒飯，只可以食蛋白質食物、雞胸肉和沙律——又真係慘嘅。
仍然係戒緊叉燒嘅伍允龍，今午同朱晨麗去咗無綫劇集裡面出現次數最多嘅景點——將軍澳電視廣播城外取景，今次主要係拍撞車場面，頭幾個鐘都一直未見「龍朱」現身。一直拍到下午四點左右，替身幫手拍晒啲危險場面後，龍朱就上車補番大頭。
呢場戲係講朱晨麗揸車俾人追啦，伍允龍追尾，跟手朱晨麗架車俾架大貨車撞到打晒圈，伍允龍又係英雄救美咁啦，開槍呀肉搏呀走唔甩。等埋位時，伍允龍手中無槍但心中有，拉筋練定指力開空氣槍，相當認真。
向無名特技人、龍虎武師致敬。
 採訪、攝影 ：孔志豪 |  呢個係朱晨麗… |  靚靚撥髮 |
 又撥 |  呢個嬲嬲幽幽嘅，係替身 |  |
