喺今晚勁歌總選中，新設咗個「最高人氣歌星獎」，由今年轉會嘅周柏豪奪得，佢上台時講得好客氣，話送個獎俾一個啱啱因為癌症過身嘅22歲歌迷，佢仲話：「成日話啲歌手改變歌迷，其實歌迷都會改變歌手。」之後第二度（係今晚第二度）唱出《天網》。
話周柏豪得到最高人氣歌星獎真係實至名歸，點解咁講？記唔記得佢上個月被網民喺佐敦德興街影到佢安裝咗自訂車牌嘅70萬嘅Ford野馬跑車，於佐敦德興街泊咗喺街尾，因此有旅遊巴轉入時頂住咗，轉唔到彎。搞到有網民喺「馬路的事討論區」fb專頁問「有冇人識周柏豪？快啲叫佢返嚟揸走部車。」
事後柏豪有為事件解話，佢話：「嗰度唔係雙黃線，停到車，我喺架車裏面，我阻人咪走囉。」（新聞連結:http://bit.ly/2juEzur
）之後再次解釋：「其實我冇亂泊車，o依家出到嚟變咗咁嘅新聞……係咁㗎啦，一個活躍嘅藝人，一定係會備受注視嘅，呢個係必然嘅事嚟嘅。」（新聞連結：http://bit.ly/2lo44vs）
所以話，個獎真係非周柏豪攞到莫屬。
 喺今晚勁歌總選中，新設咗個「最高人氣歌星獎」，由今年轉會嘅周柏豪奪得。 |  |  佢上台時講得好客氣，話送個獎俾一個啱啱因為癌症過身嘅22歲歌迷。 |
