喺泳兒同谷微演出《啼笑姻緣》環節後，菊梓喬（HANA）憑《忘記我自己》同《一輩子守候》分別攞到第8及9首勁歌金曲獎，佢一上台嘆咗一大啖氣，再話：「多謝TVB劇集歌一直都咁好聽，多謝老闆，《一輩子守候》改寫咗我一生，令好多唔識我嘅人認識我，多謝喜歡我嘅歌，好開心，我會用心唱好啲歌。」之後再頒埋第10、11同12首金曲，分別係鄭俊弘嘅《戰勝吧》、蔚雨芯嘅《BB》，同洪卓立嘅《帶著骨灰去旅行》。
跟住頒發最佳唱跳藝人獎，得主係鍾舒漫，佢喺台上話：「今年非常之開心，有好多自己鍾意嘅嘢，音樂、舞步同片，希望繼續跳多啲。」
第13首得獎歌係譚嘉儀嘅《陪著你走》，佢演唱時眼泛淚光，亦一度唱到聲震震，而第14及15首得獎歌係林欣彤嘅《畢業之後》同吳業坤嘅《傷心到變形》。
 菊梓喬（HANA）憑《忘記我自己》同《一輩子守候》分別攞到第8及9首勁歌金曲獎。 |  鄭俊弘《戰勝吧》 |  洪卓立《帶著骨灰去旅行》 |
 蔚雨芯《BB》 |  最佳唱跳藝人獎得主係鍾舒漫。 |
