呂慧儀同楊張新悅今日喺荃灣以「愛眼之星」身份為奧比斯活動擔任嘉賓，宣揚兒童護眼資訊。呂慧儀話囝囝o依家3歲，經常每事問：「好多問題，問點解刷牙、點解要返學，要諗個答案說服到佢。」佢又話好享受拍處境劇，因為適合囝囝觀看：「佢係fans嚟㗎，講得哂個劇啲角色名。」
已育有3個囡囡嘅楊張新悅透露，細女今年剛入學，終於有點私人時間：「希望明年可以做番多啲自己嘢，我好鍾意寫嘢，2018年一定要執筆，講吓呂手環保、湊仔嗰啲。」問佢會否追仔？楊張新悅笑謂：「呢個年代生咁多好難，我唔係唔鍾意小朋友，但唔係愛心爆棚嗰啲，有朋友叫我開幼稚園，我諗起都頭痛。」
