徐子淇嫁入李家後，一直肩負繼後香燈嘅重任，婚後生咗兩女兩仔，呢位千億新抱果然相當盡責。佢最近仲帶咗三個仔女去老撾探訪，望大家關注喺東南亞最被邊緣化嘅兒童苦况。
話晒子淇啲仔女開始長大，冇以前咁黐身，佢同老公李家誠可以多啲享受二人世界，多咗時間可以放閃。
佢凌晨喺IG貼咗同老公嘅片，兩條片都冇聲，不過第一條片見佢哋頭貼頭，十分恩愛，由老公李家誠先講嘢，睇口形就似係講"Happy new year"，而子淇就接住講"All the best in 2018"
再睇另一條片，就係子淇企咗喺老公前面，伸出隻手借位，扮同老公度高，二人仲搞笑一齊跳，寫道"Jumping with joy in 2018!" 呢位千億新抱確係童心未泯。
