張繼聰噚日就帶埋囝囝張瞻出席《毅力12愛心跑》活動，而阿聰就話因為腳傷，就由阿仔代佢跑接力賽㖭，真係父慈子孝呢！雖然阿聰喺去年年尾就無端端咁俾大台封殺，搞到連台慶頒獎禮都冇得提名，阿聰就講明覺得好可惜，但都冇辦法，因為係公司間同大台嘅官司，佢都話唔方便評論。(新聞連結：http://bit.ly/2lwALH2)
工作可能受到啲阻滯，但踏入新一年，當然都會有新年願望嘅，阿聰今日凌晨都喺ig貼咗三張相，分別係同老婆謝安琪嘅合照，阿仔張瞻嘅足球小將相，當然唔少得人見人愛嘅囡囡張靖(Karina)啦！講番阿聰新一年嘅願望先，佢留言話：「2017 感恩，2018 I am Ready！祝大家新年快樂」，好多網民就留言祝佢哋一家人新年快樂，同要健康、幸福之類，當中亦有網民大讚張瞻好型仔，KaKa Ball(張靖䁥稱)嘅羊咩look勁可愛。
 (ig圖片) |  (ig圖片) |  (ig圖片) |
 (資料圖片) |
