講起馬爾代夫，學麥太（麥兜媽咪）話齋：「馬爾代夫嗰度椰林樹影、水清沙幼、藍天白雲，是位於印度洋上嘅世外桃源……」要去拍拖放閃享天倫，例子唔止洗米華同Mandy Lieu，仲有舊年平安誕下囝囝Brendan嘅胡杏兒同老公李乘德（Philip），佢哋喺舊年去馬爾代夫Babymoon，當時已懷孕嘅杏兒着住三點式，落泳池浸水，仲影咗一輯靚相，到母親節時宣佈自己要做媽咪嘅好消息。（新聞連結：http://bit.ly/2lCjYTg
）
同樣係人妻嘅楊洛婷（Rabee'a），佢喺2015年同樂隊Dear Jane主音黃天翱（Tim）去咗馬爾代夫度蜜月，着上三點式嘅Rabee'a同老公玩騎膊馬兼錫錫，幸福度滿瀉！（新聞連結：http://bit.ly/2CCzeXn）
另一對sweet爆嘅星級夫妻Jesscia C.同安志杰，又係喺2015年去馬爾代夫，不過當年兩人仲係戀人身份，JC又為安志杰未婚陀B，結果安志杰喺嗰一年嘅10月帶JC去馬爾代夫旅行，更秘密租下私人沙灘，又吩咐酒店佈置，向JC求婚。（新聞連結：http://bit.ly/2DNxAS5）
要去放閃嘅人，唔一定係情侶夫婦，好姊妹孖住度假嘅都有。好似Twins咁樣，佢哋喺2015年，就孖住去馬爾代夫度假（新聞連結：http://bit.ly/2Cv226u），事後鍾欣潼（阿嬌）話因為覺得一生人點都要去馬爾代夫一次，只係冇諗過會同蔡卓妍（Sa）結伴同行，阿嬌更希望有機會同另一半再去。
至於港姐出身嘅李雪瑩，喺舊年11月同老公去馬爾代夫度假，仲着埋高衩泳裝上陣，大騷長腿。
 （互聯網圖片） |  胡杏兒同老公去馬爾代夫（互聯網圖片） |  （互聯網圖片） |
 楊洛婷同老公Tim喺馬爾代夫度蜜月時，騎住膊馬再錫錫，勁sweet！（互聯網圖片） |  （互聯網圖片） |  安志杰曾喺馬爾代夫租私人沙灘向女友JC求婚（互聯網圖片） |
 （互聯網圖片） |  阿Sa喺馬爾代夫影咗好多相（互聯網圖片） |  仲有落credit啲相係阿嬌影嘅（互聯網圖片） |
