韓國「新國民女團」TWICE喺韓國人氣高企，去年進軍日本後同樣大受歡迎，更受邀擔任當地除夕夜直播節目《紅白歌唱大賽》嘅嘉賓，不過當晚TWICE又要為韓國節目《MBC歌謠大祭典》演出，搞到要日韓兩邊走好頻撲。
而TWICE演出《紅白》後，喺後台接受女星渡邊直美訪問時，提到台灣成員周子瑜獲選為今年全球百大美人嘅第三名，子瑜先怕醜笑笑，隨後用韓文表示：「講真我都唔清楚評選嘅標準係咩，不過仍然好多謝咁多人揀咗我，我會繼續努力，成為更靚嘅子瑜。」令成員爆笑，隨後日本成員Sana將子瑜嘅回覆翻譯成日文後，渡邊直美都忍唔住笑言：「請你一定要繼續努力喔。」
 子瑜早前被選為全球百大美人嘅第三名 |  |  |
