由俞承豪同蔡秀彬主演嘅韓劇《不是機器人啊》今晚將會播出第17、18集，港劇迷可於Viu上同步觀看。劇集講俞承豪飾演嘅企業家金敏圭患咗人類過敏症，而蔡秀彬飾演嘅趙智雅就假扮機械人同俞承豪相處。
劇組今日率先公開咗預告相，只見俞承豪雖然話會同飾演其初戀嘅黃勝妍結婚，甚至陪女方去試婚紗，不過就一直煩惱咁諗住蔡秀彬嘅事，望都冇望過自己位靚靚未婚妻。同時，蔡秀彬載住帽，手捧住兩個箱出現喺婚紗店，似乎係送貨到婚紗店，唔知係咪見到俞承豪、黃勝妍兩人，所以平時表現開朗活潑嘅蔡秀彬反而冇晒笑容。
另外，劇組又公開咗俞承豪及蔡秀彬嘅拍攝花絮，只見戲外嘅兩人都好老友，仲好有童心咁玩吹泡泡。
