出咗名老馬有火嘅夏雨，早前宣傳劇集《溏心風暴3》嘅時候，直言當年拍《溏心風暴》雖然拎視帝呼聲極高，點知個獎最後去咗無綫親生仔陳豪手上，已經事隔多年講番呢件事，佢依然係氣難平！(新聞連結：http://bit.ly/2EHTxDl)


陳豪今日出《誇世代》宣傳活動時，當然問番佢呢件事，佢話：「當年夏雨哥失落視帝，我自己都覺得好遺憾，佢真係教識咗我好多嘢，事後我都有同佢keep住聯絡，不過o依家已經放低咗。」今次《誇世代》同《溏心風暴3》對撼，陳豪話大家都係公司嘅劇，冇必要存在有競爭關係，最緊要都係觀眾睇得開心！


憑《誇世代》被提名視后嘅李佳芯，佢話身邊嘅人一直都話佢冇自信，所以佢今次決定要支持自己，投自己一票。



《誇世代》下個禮拜大結局。譚凱琪龔嘉欣同李佳芯老友鬼鬼。
麥明詩啲筋骨都好柔軟。