日本AV界一代女神蒼井空，趁住1月1日元旦夜公佈結婚消息，更於Instagram上載一張戴上鑽戒嘅自拍照，婚訊震驚亞洲各地男士。


現年34歲嘅蒼井空人稱「蒼老師」，佢嫁被形容為冇錢又唔靚仔嘅打碟DJ，而佢丈夫名叫DJ NON，睇相果然係其貌不揚，令到蒼老師嘅弟子更加難以接受。話雖如此，但已婚消息曝光後，蒼井空卻獲廣大網民留言祝福，佢自言睇完留言感動到喊，兩日來亦有不斷更新Twitter及微博，蒼井空對大陸粉絲更加照顧周到，今日都有連文帶圖透露新婚近況，佢中午就自爆在床上哭起來，原來呢位人妻發完一場噩夢，之後沖涼令自己心情好轉，又預告今晚會參加新年party，由於佢打算今晚要飲過痛快，所以就決定唔揸車改搭地鐵。




蒼老師丈夫DJ NON果然其貌不揚。新婚蒼井空自爆發噩夢，仲有喊o添！不過佢沖完個涼已心情好轉。
今日搭地鐵去狂歡時仲順便自拍。