原子鏸（Marsha）同外籍男友Mehdi交往不經不覺已經一年，今年Marsha同男友、媽媽鄭佩佩等家人，一齊到歐洲度假，順便慶祝佩佩姐72歲生日。
想不到Marsha嘅男友會係2017年嘅最後兩小時為佢製造驚喜，在除夕派對中手持戒指當着眾人面前下跪求婚，噚日佩佩姐喺微博貼出當日求婚嘅短片，同fans分享喜悅。相中男友嘅家人用手機拍攝整個求婚過程，片入面見到Marsha驚喜交集嘅表情。
而女主角Marsha雖然冇喺微博上載短片，但就貼咗幾張男友同家人嘅合照，仲留言話：「2017年最後兩個小時發生了甚麼事？」今日《蘋果》聯絡佩佩姐，佢透過助手回覆話:「每年1月6日生日，一家都會一齊過。求婚一事，事前大家都唔知，好suprise、好開心，佩佩姐當時心情驚喜。佢哋o依家只係訂婚，(Marsha)同男仔拍咗1年幾拖。」而Marsha表示當時冇諗過男友會求婚，她說：「冇諗過咁快，但真係好驚喜，婚期未定。」佩佩姐透露今日舉家將轉往英國繼續行程。
 原子鏸男友喺2017年最後兩小時，向女友求婚。(微博圖片) |  (微博圖片) |  (微博圖片) |
 求婚成功(微博圖片) |  原子鏸一家人及原子鏸男友到歐洲度假兼為佩佩姐慶祝生。(微博圖片) |  (微博圖片) |
