唐詩詠今日到商台接受阮兆祥主持節目訪問，開咪時兩人講到在台慶頒獎禮上，詩詠有份爭視后，詩詠話如真係得獎，希望喺台上多謝前無綫高層陳志雲(Stephen)，仲一時感觸喊咗出嚟。


詩詠受訪時話視Stephen係恩人，受過佢嘅恩惠一直放喺心，並分享以前初入都捱過窮，多得Stephen打救，詩詠話：「我2004年入無綫時人工好低，除咗出入公司搭巴士，生活上都需要家人資助，有次同Stephen食飯傾偈，佢問我幾錢人工，我話月薪3000元，然後Stephen話：『係呀，夠唔夠生活呀？』之後佢加到我萬幾蚊人工，好實在幫到我，收到糧單好開心，以前細個唔識得點多謝佢，自己想唯一係等到攞獎時多謝Stephen。」


到底呢段感人多謝說話能唔能夠喺台上公開演說呢？攞到獎就一定可以，得獎信心詩詠認為好難講，但參加比賽要抱有鬥心，o依家搵緊戰衣著靚靚出席頒獎禮。


甩拖後嘅詩詠等緊朋友介紹男仔認識，佢話：「黃翠如話會介紹專業人士我識，但我冇多諗，要嚟就嚟。」




攝影：卓寶花講到當年入行苦況，詩詠好感慨！(資料圖片)
(資料圖片)