無綫兩套台慶劇已經開始進入尾聲，雖然o依家大台有份量嘅演員買少見少，但係話晒係重頭劇，既然唔可以擔正孭重飛，唯有搵佢哋客串助陣，希望可以增加套劇嘅可觀性！
好似日前播出嗰集《誇世代》，家燕姐嘅戲份出場，劇情話森美喺西藏流浪嗰陣，好彩遇到家燕姐幫佢，仲做埋佢契仔，今次佢嚟香港玩，順便將香港嘅投資俾森美負責，陳豪同龔嘉欣想盡辦法，希望可以爭到呢單生意，進一步得到馬海倫嘅信任！
仲有話江嘉敏發現胡蓓蔚原來唔係家姐，竟然係佢阿媽喎，又話胡蓓蔚同關禮傑又有路！去到下個禮拜嘅劇情，就輪到阿姐汪明荃出場，聽講佢今次係做馬海倫個家姐，仲會改變埋個妹嘅勢利性格。
龔嘉欣成日喺劇裡面扮可憐博同情，但實情係成日玩手段，出賣屋企人，等自己可以成為集團話事人，之不過真正嘅奸人係陳豪，雖然佢愛上咗李佳芯，不過點愛都要報仇，最後都搞到尚家立立亂，陳豪坐的士去到未來，知自己會死，兩兄弟諗住幫佢唔使死，點知歐陽震華坐的士去到未來，發現陳豪先係大奸角，唔知佢仲會唔會幫兄弟呢？
其實阿姐除咗《誇》之外，佢仲有客串《溏心3》，今次佢又係做有錢人，做一個首富嘅前妻，同黃宗澤有唔少對手戲，咁啱得咁橋又係喺下個禮拜出場，唔知有冇機會幫到兩套劇嘅收視呢？
 (網上截圖) |  司棋姐發現敏之苦纏唐文龍，忍唔住出手打佢！(網上截圖) |  呢場戲今晚2(網上截圖) |
 (網上截圖) |  阿姐除咗客串《溏心3》之外，仲會客串《誇世代》。(網上截圖) |  阿姐同黃宗澤已經好耐冇合作！(網上截圖) |
