一直鍾情嫩模，43歲嘅里安納度狄卡比奧（Leonardo DiCaprio）又再被指有新歡，有人指見到佢由科羅拉多州滑雪之後坐私人飛機返洛杉磯，而同機嘅仲有20歲嫩模Camila Morrone。其實近日Camila都一直於Instagram貼上自己於山區滑雪嘅相，而Camila亦被見到於科羅拉多同里安納度好友杜比麥奎爾（Tobey Maguire）及其兩個小朋友遊玩，因此二人緋聞就更似層層。二人首次傳緋聞係上月中，有人見到Camila離開里安納度嘅大宅，而自從里安納度上年年中同德國模特兒Nina Agdal分手後，亦被見到周旋於幾個模特兒之間。