緣份嘅嘢真係話嚟就嚟，好似林心如同霍建華呢一對，05年拍《地下鐵》時已經認識，霍建華早前接受《魯豫有約》訪問自時，自爆當年已經對心如有feel，但因為唔想破壞友誼，所以一直唔敢表白，直到事業有成先敢表達心意。
咁難得先追到女神，婚後好快就生咗小朋友，囡囡今個月就滿一歲。心如最近上另一個大陸節目時又再放閃，主持人問係咪好滿意老公霍建華？心如笑笑口話：「還行啦。」
心如對老公評價好高，大讚對方：「顧家，有責任感，好爸爸。」佢哋雖然已經結成夫妻，但關係都係好朋友一樣。心如話﹕「他不會說甜言蜜語，但卻將自己的愛付諸行動，例如晚上睡覺的時候都會牽着我的手。」真係好浪漫呀！
 (資料圖片) |  心如一提起老公霍建華就甜笑。(網絡圖片) |  林心如同霍建華喺05年拍《地下鐵》時已暗生情愫，多年來只維持朋友關係。(資料圖片) |
