每隔一段時間，總會有啲新聞老是常出現，包括呢種：大陸演員用大量替身拍戲。有幾常見呢？數一數：


1. Angelababy喺上年1月演古裝劇《孤芳不自賞》，被懷疑用假人、假景同CG Key頭。
2. 楊洋被指喺16年拍劇，只係拍咗兩日戲份，其他都搵替身完成，結果掀起好多批評，直指大陸嘅「小鮮肉」演員「不演劇不說台詞」。
3. 趙麗穎被指喺上年播嘅《楚喬傳》，用咗32個替身，包括跪地、遠鏡等。


點解又拎番出嚟講？因為今日連凱喺微博指控一位「流量男一號」又要搵替身…


連凱貼咗4張好逼真嘅面具相上微博，其中有兩張係劉德華同古天樂，面具同真人似足九成。連凱以呢4張相舉例，交代完啲面具可以好真之後，就指控某新劇嘅男主角冇檔期，要求搵替身笠面具拍完餘下戲份。連凱話呢啲面具，造出嚟只係為咗俾武術組用，唔係俾人拎嚟攝期或者拍文戲用，又鬧呢啲演員冇敬業態度。


連凱其實喺上個月底已經爆過一次，當時佢話投資者只係出錢，請一啲「有流量嘅藝人」，但佢哋「耍大排、演技差」就冇人理，搞到劇組好煩麻。


指控一出，大陸網民就自動自覺對號入座，自動彈出嚟幫支持嘅明星解話，包括幾位符合「流量男一號」吳亦凡、鹿晗、楊洋、張藝興等等，但亦有網民指出，連凱拍緊一套電視劇《十年三月三十日》，其中就有位年輕演員竇驍好有嫌疑。


Btw，咩叫「流量男一號」？月經就話流量啫…




連4張面具頭套，非常真。（微博圖片）連凱話係佢公司造出嚟，俾武術組拍打戲用。（微博圖片）
（微博圖片）（微博圖片）連凱呢兩個星期連續發火，指控某啲演員唔專業。（微博圖片）
（微博圖片）（微博圖片）嫌疑人之一，同連凱合作嘅竇驍。（微博圖片）
嫌疑人之一，「流量男」鹿晗（微博圖片）嫌疑人之一，「流量男」吳亦凡（微博圖片）angelababy曾經被指拍戲用替身，再用CG Key個樣上去。