Shine今日喺沙田為3月2及3日喺紅館舉行嘅「SHINE*MONENTS Live 2018」宣傳，佢哋同粉絲大玩變裝遊戲，又切燒豬預祝個唱成功。
Shine話演唱會門票已賣得七七八八，黃又南說：「好多朋友打電話問有冇飛，我哋都留咗啲嘅，不過都頭痕唔知夠唔夠。」咁會唔會加場？徐天佑指兩場已很滿足，寧願遲啲再開Part2：「一步一步嚟啦，今次爭取到四面台好滿足，下次先再加場數。」佢哋已經好努力練舞籌備演唱會，另外會邀請全女班嘉賓，黃又南大賣關子說：「總之係女歌手啦，係合作過嘅。」
咁會唔會邀請緋聞女友珠寶商二代莊莎娜同杜如風做嘉賓？黃又南笑謂：「佢哋咪就係dancers囉，杜如風好激動㗎，上次跳上凳被保安叫返落嚟。」
 （攝影：盧妹） |  Shine今日切燒豬預祝個唱成功 |  又同fans玩變裝遊戲 |
 但佢哋話唔會考慮加場 |
