現年42歲嘅索爆人妻雪兒，7年前嫁新加坡GHM酒店集團大股東Zecha之子Ajai，退出娛樂圈及定居新加坡，直至去年返港出席活動，表示因為唔想脫節，所以有合適嘅工作都會做，仲指老公都支持佢嘅決定，未來日子會香港、新加坡兩邊飛。
而雪兒最近原來又返咗香港，日前《蘋果》於尖沙咀棉登徑一間舊式茶餐廳，發現佢同老公Ajai到該店嘆雞腳湯。明顯係小店熟客嘅雪兒，一進店即被老闆認出，期間更大大聲跟她打招呼話：「靚女！好耐無嚟喎！」然後就快手遞上兩碗雞腳湯。
雖然結婚7年，但雪兒和老公感情看來不錯，飲湯期間一直有講有笑，Ajai更將自己嘅雞腳都奉獻給老婆。飲完湯後，2人便離開，時而拖手，時而攬腰，猶如熱戀情人，之後2人再齊齊返回一幢服務式住宅。
 |  採訪、攝影：徐錦池 |  |
 明顯係小店熟客嘅雪兒，一進店即被老闆認出 |  |
