韓國「新國民女團」TWICE去年底相當忙碌，除夕晚更日本、韓國兩邊走，分別為《紅白歌唱大賽》及「MBC歌謠大祭典」進行直播演出。不過TWICE忙完就有時間休息，當中台灣成員周子瑜又低調返家鄉陪屋企人，但子瑜上周四已經返韓繼續工作。
而子瑜噚日喺Instagram上載與愛犬Gucci嘅親密短片，片中子瑜攬住Gucci，不時輕叫愛犬嘅名，希望Gucci擰轉頭時可以錫錫愛犬，不過Gucci就相當唔畀面，望咗主人一眼就擰返正面，搞到子瑜無奈地要「強吻」Gucci，不過就有唔少粉絲留言大讚子瑜同Gucci都好可愛，更有粉絲表示「好想變成狗」，認真搞笑。
隨後子瑜再上載去年向Gucci要求錫錫嘅短片，只見今次Gucci聽到主人叫佢就立即有反應，令子瑜得意地留言：「唔係每次Gucci都唔理我㗎！」似乎想一雪被Gucci無視嘅前恥，相當可愛。
 |  子瑜噚日喺IG上載同愛犬Gucci嘅短片，似乎於上周低調返台 |  不過Gucci唔理子瑜，搞到子瑜要「強吻」 |
 Gucci |  子瑜再上載去年同Gucci錫錫嘅短片，一雪被Gucci無視嘅前恥 |  子瑜已於上周四返韓繼續工作(網上圖片) |
