梁詠琪（GiGi）今日喺尖沙嘴出席宣傳預防子宮頸癌活動，佢配合大會主題，喺左手手指公印上女兒Sofia嘅卡通樣：「好得意、紮孖辮㗎！我都有去做子宮頸抹片檢查，有咗小朋友更加驚自己有咩事，睇唔到佢成長，我都想睇到佢結婚生仔。」
GiGi話即將同鄭秀文（Sammi）為關錦鵬電影《八個女人一台戲》開工，佢指同表示同Sammi首次合作係22年前：「嗰時我都未開始唱歌，今次好開心。」GiGi仲話今次全女班開工，肯定會好嘈。
問到女兒Sofia可會去探班？GiGi話：「會呀，以前佢知我開工會開心飛吻，而家會識得扁嘴，可能覺得成日冇得見，覺得唔對路。」Gigi又透露Sofia今朝喺凳跌咗落嚟：「我鬼咁緊張，點知佢喺度狂笑。」
 （攝影：陳俊強） |  GiGi今日出席宣傳預防子宮頸癌活動 |  |
