近期大台鍾意拍武打劇集，《城寨英雄》、《同盟》咁都係打打打，唔使一味靠劇情，又可以搵啲男演員谷肌，算係一石二鳥。


嚟緊大台又有套新劇叫《兄弟》，聽個名都知又嚟喇……今日呢套劇就喺旺角拍外景，負責打嘅當然係伍允龍，佢喺劇中就有好多打鬥場面，仲試過打到肩膀舊患復發。咁打得，佢話有時都教下其他演員，點樣避免受傷、動作點樣可以睇落更有效果。


至於視帝大熱人選王浩信表示越靠近頒獎禮，心情就越複雜，因為覺得男人做份內事就夠，但爭獎就多咗夢想：「視帝對我嚟講係加入演藝圈嘅一個夢想，今年或者係我人生最接近呢個夢想嘅時候，所以忍唔住爭取一下。」


而楊明要喺劇中騷身材，自稱進行緊「饑饉三十」，每天食好少東西，連食糖都只可以食無糖。楊明今年係第五次提名飛躍進步男演員（新聞連結：http://bit.ly/2EmXV9X），佢笑言自己係候選人中年紀最大：「希望這次唔好頒俾我，然後下年再提名我，我就可以連續提名六次。」





楊明話今年唔想拎飛躍進步男演員，因為想下年再爭過。伍允龍打戲最有經驗，拍呢類型嘅劇好多時都見到佢。
王浩信話有爭視帝係夢想，聽落好恨攞獎。
江嘉敏