38歲嘅胡杏兒去年10月為沙頭角圍村老公Philip（李乘德）生咗個慈姑椗Brendan後，經常都喺網上晒幸福，早前貼咗一家三口嘅溫馨合照，留言﹕「今年係我人生中最開心嘅聖誕節。」


好閃呀！今日又輪到老公Philip貼囝囝嘅得意相，原來Brendan剛滿3個月，正面樣首次曝光，有好深嘅雙眼皮，眼仔睩睩似足媽咪又圓又大，而且鼻高高、嘴細細，真係幾靚仔。Philip透露囝囝嘅中文名叫李奕霆，佢以英文留言：「Hello everyone. Brendan今日3個月大，我們想分享一下他的相片給大家看。我們很幸運，囝囝非常健康、得意，經常說話(BB話)，是一個開心BB。他的中文名叫李奕霆，希望你長大後成為一個思想正面又可靠嘅紳士，還有別忘了照顧你的父母親，假期時帶我們走走吃好東西。」


杏兒噚晚亦分享咗一張攬咗寶貝仔嘅相，BB喺媽媽懷中好舒服咁瞓覺，杏兒留言：「每天起床最開心的就是見到你對著我甜甜的笑，每晚最享受的就是你乖乖的睡在我的胸口！媽媽愛你！」



杏兒話每晚最享受就是寶寶乖乖咁喺佢胸口上瞓覺。(ig圖片)杏兒囝囝中文名叫李奕霆，眼仔睩睩真係好得意。(ig圖片)(ig圖片)
(ig圖片)