韓劇《守望者》35歲女星李詩英，去年7月透過Instagram宣佈懷孕消息，並於同年9月底陀住6個月B嫁拍拖1年嘅圈外男友，而李詩英就算大住肚都Keep住去跑步、行山，被稱為「最強孕婦」。


而韓國方面今日爆出喜訊，指李詩英噚日榮升媽咪，喺首爾某醫院誕下男嬰，母子平安。而李詩英所屬事務所表示，李詩英目前喺家人嘅陪同下喺醫院休息中，對於新生命嘅到來一家人都好開心，希望外界送上溫暖嘅祝福。據悉李詩英短期內都會專心湊B，之後先再考慮演藝活動。