收視一直持續低迷嘅台慶劇《溏心風暴3》，終於進入倒數階數，大陸版喺噚日上載咗35至40集，換言之結局亦正式曝光！因為偷㗳黑幫大佬女友而被禁錮嘅黃宗澤，喺逃走時意外受傷，仲搞到性無能，結果激發咗佢嘅事業心，決定追求權力以證自己嘅實力。
黃宗澤先係將王浩信嘅股份轉讓俾自己成為咗大股東，之後佢又投靠飾演首富妻嘅汪阿姐，諗住借助阿姐嘅執力而投得賭牌，仲同夏雨、李司棋反面兼且仲同王浩信對簿公堂，最後夏雨為咗阻止黃宗澤申請賭牌意外跌傷而陷入昏迷，本來一直處於下風嘅王浩信，得到苗可秀嘅幫助，反敗為勝成為大股東，重新掌管公司。
之後黃宗澤被吳家樂出賣，被揭發做假賬，同時又被汪阿姐離棄，最後佢去咗醫院向司棋姐道歉，同時仲承擔所有過錯，出獄之後同黃翠如結婚。
因為陳智燊嘅死，韓馬利覺得香香害死個仔，於是佢將香香出逐出家門，同時亦要償遇50億債務，雖然最後李國麟要家族生意清盤，不過李國麟專心打理慈善基金，生活比以前開心，甚至同夏雨成為真正嘅朋友！喺夏雨昏迷嗰陣，李國麟亦都喺側邊支持。
