陳偉霆巴西籍模特兒女友Bruna Marth，24歲，擁44吋長腿嘅Bruna大學畢業就投身模特兒，去過上海工作，同William拍拖一年，感情穩定，因為唔想同男友分開咁遠，Bruna最近就決定嚟香港發展，啱啱仲簽咗Mandy Lieu旗下嘅Quest model，4點半左右佢就一個現身灣仔，拎住個電話搵緊路，原來佢想去港鐵站，一去到港鐵站就先去增值，之後就坐港鐵，喺車廂入面，佢就見到一個BB，應該係佢覺得個BB好可愛，所以不停咁同個B玩，最後仲畀個飛吻BB，BB都玩得好開心，到咗中環站，佢就落車喇。
佢一支箭就入咗置地，行咗唔少名店，主力都係睇化妝品，仲買咗一支唇膏，買完一樣嘢，就轉戰另一間名店，今次佢就買咗一條手鏈，同樣地，都係買完一樣嘢就轉戰另一間名店，不過今次就唔係睇自己嘢，而係去睇男裝嘅帽，唔知係唔係幫男友睇呢？
睇完時尚嘢，佢就去咗Apple，入去就買咗部電話，仲會合一個女性朋友，兩個女人就一齊睇衫。睇完衫兩個女仔就一齊去到蘭桂坊飲嘢，飲咗一陣，佢就上的士離開喇。
 (採訪、攝影：黃曉程、朱志聰、羅德光) |  Bruna啱啱仲簽咗Mandy Lieu旗下嘅Quest model |  |
 其實Bruna企喺度都好出眾 |  同BB玩得好開心 |  |
 |  坐低都要晒長腿 |  |
 去咗好多名店 |  仲去咗apple買嘢 |  最後就會合咗個朋友 |
 同朋友兩個去咗蘭桂坊傾偈 |
