我地成日會喺唔同途徑得 知成功人士嘅好習慣，但當中幾乎每一位都會有一個習慣就係：早起。不過咁樣又代唔代表夜瞓嘅人就會註定一世無辦法成功呢？以下幾點或者可以解答到你呢個問題：
Photo from Pinterest
Photo from Pinterest
晚睡晚起可能是天生
我地成日會用 Larks (雲雀型) 同埋 Owls (貓頭鷹型) 去劃分早睡早起同埋晏睡晏起嘅人～好多人會有既定印象，覺得晏睡晏起嘅人都係好懶又無效率。但其實已經有好多研究證實過，晏睡晏起可能係天生嘅。
Photo from Pinterest
學者認為， 高達 47% 嘅生理時鐘係嚟自基因遺傳 ，而且生理時鐘唔係固定，例如兒童傾向早起，20歲之後就會開始轉向晏睡晏起，到咗 50 歲左右就會再次重新回到早睡早起。
Photo from Pinterest
雲雀型偏重左腦， 貓頭鷹型偏重右腦
有研究指，雲雀型同埋貓頭鷹型嘅差異，在於左右腦偏重。雲雀型偏重於左腦，即係重視邏輯分析、追求精準同埋團體合作 ，而貓頭鷹型就偏重右腦，代表住想像力、創造力同埋個人主義。
Photo from Pinterest
研究仲話， 貓頭鷹型嘅人擁有高度記憶力同埋專注力，更渴望探索新鮮事物，同時喺探索過程中激發出創意 ，所以好多聰明人都係鐘意夜媽媽都唔訓嘅。
Photo from Pinterest
而雲雀型嘅人嘅自我要求高，佢地會提早對未來展開好多規劃，完成計畫嘅過程中會獲得幸福感。的而且確好多成功人士都係雲雀型，不過咁樣並唔代表貓頭鷹型嘅人就唔會成功！
Photo from Pinterest
有人可能會問咁到底係唔係應該要調整番自己嘅生理時鐘呢？專攻時間生物學同埋訓覺嘅生物學家凱瑟琳娜·伍爾夫（Katharina Wulff）就表示 ：「人們應該自由選擇他們喜歡的時間，也就是你心情最好的時候 。效率和心智能力才能維持在最佳狀態。」所以如果「貓頭鷹」強迫自己早起，喺身體唔想工作嘅時候工作，可能就會好影響情緒～
Photo from Pinterest
而且，並唔係所有成功人士都係雲雀型，著名嘅貓頭鷹型成功人士就包括 Box 首席 CEO 亞倫萊維（Aaron Levie）和同埋Buzzfeed 首席 CEO 喬娜佩雷蒂（Jonah Peretti）等等。
Photo from Pinterest
所以千其唔好急住要調整番生理時鐘。就算你每日好早起身都唔會保證你可以成功，但一定會令你嗰一日好無精神～！
Photo from Pinterest
Text：POP-OL Editorial
Photo source：Pinterest
