范冰冰主演嘅《巴清傳》（前名《贏天下》），故仔就講喺戰國末年一位叫巴清嘅女仔嘅故事，呢個人物並唔係虛構，連《史記》、《漢書》呢類著名史書都記載過呢個人。呢套劇，有歷史根據有原型參考，符合大陸拍劇原則，但最後仍然播出無期。
事緣係，有兩位歷史迷睇完《巴清傳》嘅預告片，寫咗封7000字嘅投訴信，指呢套劇除咗歪曲歷史外，更大嘅問題係服裝造型同日本平安時代嘅造型非常似，所以最終過唔到審批。
呢件事連帶影響埋亞視復活，上個月亞視就公佈咗，會動用超過2,000萬港元購入《巴清傳》香港播映權，爭贏有意競爭嘅TVB，當時亞視仲希望可以同大陸同步播出。（新聞連結：http://bit.ly/2DjrdcM
）
現時《巴清傳》喺大陸播映無期，問到對亞視開台有冇影響，亞視外事部總監曾醒明回應：「一開始亞視都冇講播出日期，由於係同內地同步播，所以我哋都係等內地消息。」
