今年44歲嘅林曉培（Shino），事業經過高山低谷，當年憑好唱功加上一首《煩》，令剛入行嘅佢爆紅，但07年曾涉醉駕，令事業陷谷底（新聞連結：
http://bit.ly/2B2s1xh）。今年係Shino入行20周年，前晚（13日）佢喺澳門威尼斯人舉行咗一場「林曉培‧重起演唱會」，為之後嘅大陸巡迴演唱會揭開序幕。


演唱會全場爆滿，Shino唱咗近30首歌，當中包括為佢帶來事業高峯嘅《煩》、《娃娃愛天下》同《心動》等歌。歌迷反應熱烈，幾乎全晚都開住手機燈搖晃，為Shino打氣，感性嘅Shino被感動得多次落淚，獻唱《唱我的歌》時更加一度喊到出唔到聲，樂迷隨即大力拍掌以示支持。


之後Shino喺fb留言話：「我知道還有很多進步空間...但由衷感謝出席的你們，完美了我的不完美...滿溢的感謝...盡在不言中......」