無綫台慶頒獎禮將會喺星期日舉行，正所謂未到最後嗰日，最後都唔知結果，好似坊間近排盛傳今屆視后宣萱同唐詩詠之爭，之不過又有人話肥水不流外人田，有好嘢梗係要益自己友，於是乎又有消息指大台打算送個獎俾親生女兼有線幫嘅李佳芯(Ali)！
身為親生女嘅Ali都真係劇接劇，上年拍完《誇世代》，又有份拍《跳躍生命線》，o依家又忙緊拍《BB來了》。而日前《蘋果》見到佢同「最佳女配角」嘅大熱門林淑敏、黎諾懿，仲有高海寧喺大埔海濱公園拍外景。
當日佢哋喺草地同埋兩個可愛小B一齊拍戲，附近有唔少晨運客經過，搞到一眾街坊即刻連運動都唔做，個個停低晒企喺度影相，有個老友記仲以為BB係黎諾懿個仔小春雞，係咁話：「你個仔好靚仔。」由於Ali全日都有份拍，場場戲都有佢，佢為咗同BB熟啲，所以不停o氹佢哋笑，又同佢哋玩，而呢一招似乎好有效，喺戲入面做佢B女嘅小演員，仲俾佢任抱任攬仲任錫，啲母愛出晒嚟！
 攝影：畢紹基 |  日前李佳芯同「最佳女配角」嘅大熱門林淑敏、黎諾懿，仲有高海寧喺大埔海濱公園拍外景。 |  |
 未埋位時李佳芯不斷o氹B玩。 |  |  母愛洋溢到呢。 |
 |  |  |
 |  仲有高Ling。 |
