奧斯卡名導活地阿倫（Woody Allen）26年前被控性侵當時只有7歲嘅養女Dylan Farrow，但活地阿倫否認，2014年Dylan於《紐約時報》投稿，公開養父對佢嘅性侵過程，其後活地阿倫仍一直否認，但外間一直半信半疑，活地阿倫更試過遭女權份子赤裸示威。
最近32歲嘅Dylan接受《This Morning》主持Gayle King專訪，強調佢嘅指控屬實：「我好可信，我講嘅係真話，我想應該俾大家知道，（即使係）一個受害者，一個控訴者，都好重要，佢哋足以改變事情」。而近來同活地阿倫合作新戲《A Rainy Day in New York》嘅幾位演員都表態，包括上位影帝添麥菲查洛美（Timothée Chalamet）、莉碧嘉荷爾（Rebecca Hall）同Griffin Newman都宣佈將捐出該片片酬予反性侵活動「Time’s Up」，仲表示後悔同活地阿倫合作。
不過一直強調女權嘅Selena Gomez就一直封口，連網都都鬧爆佢唔表態。最近其母親Teefey就表示曾想說服Selena唔好接活地阿倫嘅新戲，但Selena無理。有消息人士表示：「Selena匿名捐咗一大筆錢俾Time’s Up基金，遠超過佢嘅片酬。」試圖幫佢淡化事件。
 活地阿倫性醜聞已傳出多年。 |  其養女上節目再控訴被性侵。 |  同活地合作新戲嘅添麥菲查洛美表示後悔。 |
 不過一直強調女權嘅Selena Gomez就封口。 |
