陳志建(Otto)由2006年選香港先生入行，至今超過12年，人生大逆轉，在娛樂圈的日子，帶給他金錢以外的許多Bonus，包括太太羅苡芝。


**包容的太太**
Otto 2012年在《拳王》演阿力，同年和羅樂林女兒羅苡之結婚，他形容太太是「上天俾我好好的禮物」，拍劇拍到日夜癲倒、5組劇同時開的日子，太太可以體諒，「因為爹地媽咪都係做呢行，佢好清楚我地，亦俾好多自由度、時間我，就算幾忙，都會偷時間見，拍完野，或者朝早跟她車返工，在佢公司附近食個早餐咁，偷時間見。」太太唯一反對，就是他再上擂台打拳賽！


**明星操肌意志堅**
運動是人生，Otto訪問全程，由如何從坐姿、拎筷子等小習慣開始，無間斷講解如何令身體這個「爐頭」，一直維持住同一火力，減慢衰老，保持健康；講到健身的人如同雕刻家，可以雕琢自己身型；拳手要講左右腦協調，再講到呼籲女士們不要只為減肥而做運動等等，流著運動熱血。他亦教授明星如黃宗澤、上市公司主席等做私人健身教鍊，教普通人和明星最大分別不只是價錢，更是達成度，「佢地一般有好勁的mind set，要做，就一定要做到；我有client係06返工，佢會04黎健身；Bosco的操法亦唔係好多人跟到，因為真係好辛苦。」



陳志健希望將自己創作的拳擊故事搬上銀幕。太太羅苡芝
Otto為黃宗澤任私人健身教練。幫大台劇組做拳劇指導。