任達華同老婆琦琦、陳曉東、方健儀等，今晚喺中環出席旅遊時尚品牌活動，華哥爆同太太去旅行每次都大出血：「最開心係有喼用，我喺負責任嘅男人，同太太去旅行，通常都兩喼去八喼返，大出血唔緊要，太太買嘢一半幫朋友買，另有啲會送畀我父母，佢好考順，我自己都會買一喼。」華哥繼續爆琦琦有次一口氣買咗四十對鞋，不過當時仲未結婚，所以樂做觀音兵：「婚前婚後都好，我都會幫佢拎喼，好欣賞佢咁孝順，買嘢係人生一大樂事。」


講到好友曾志偉就網傳性侵報道召開記者會，華哥力撐：「我相信志偉，佢好尊重女性，對女仔好幫忙，無論男男女女、新人、紅唔紅，都好樂意幫忙，其他事唔知，冇睇新聞來龍去脈，唔作評論，但志偉係好人。」


另外，東東話農曆新年會同太太囡囡返台灣外家過年：「個女四歲都未返過去，之前北京、香港兩邊走，返去派利是，演唱會後會小休，之後再開劇同做節目。」講到志偉是件，佢就話應該留番畀當事人，但對於網絡暴力，東東笑話自己已練到有咗免疫力：「網絡係自由環境，每個人說話代表自己，我已經習慣到免疫喇！」





攝影：林賓尼任達華今晚喺中環出席旅遊時尚品牌活動。方健儀。
溫家偉。琦琦。陳曉東。