一星期前，許世勳名下喺告東尼馬房嘅「獻惑」勝出賽事，今佢成為本港職業賽馬首位贏得100 Win嘅馬主（新聞連結：http://bit.ly/2D0ZsFB
）。不過，當晚許世勳冇親自到場拉頭馬，由佢個仔許晉亨代勞。
今晚亨亨再度現身快活谷馬場，不過身旁就多咗佢太太「大美人」李嘉欣，「嘉亨」十指緊扣咁到場，嘉欣仲一身黑色套裝襯黑絲配紅長靴，打扮搶眼！許世勳名下隻「估惑」今晚有份出賽，未知嘉欣係咪着到靚靚準備拉頭馬。
而今晚場內另一星級嘉賓，仲有早排開完演唱會嘅JW王灝兒同卓悅太子爺男友葉韋彤（Tarzan），Tarzan父親葉俊亨隻愛駒「首驫」已經出賽，不過不幸閘前衝閘，要拉回重新入閘再跑，結果只能第11名大敗而回。
 |  嘉亨拖手到場勁恩愛 |  JW亦有現場，可惜未能拉頭馬。 |
