無綫一年一度派成績表，《萬千星輝頒獎典禮2017》前晚圓滿結束，網友和觀眾事後對賽果有意見。一直被力谷的台慶劇《溏心風暴3》竟全軍覆沒，而唐詩詠撼贏《不懂撒嬌的女人》同劇拍檔宣萱首封視后，卻爆出她續約換獎。朱晨麗爆冷踢走大熱《愛．回家之開心速遞》的「大小姐」林淑敏捧走最佳女配角，遭網友喝倒采，紛紛留言「還我大小姐」。
唐詩詠前晚憑《不懂撒嬌的女人》，揮低同劇勁敵「Mall姐」宣萱首度登上視后，備受爭議。賽前一度傳出唐詩詠有意跳槽到古天樂旗下，據知她最後和無綫續約換獎，賽前她亦頻頻造勢，獲舊愛洪永城及契哥馬國明力撐。唐詩詠前晚在後台大講得獎感受：「好難得到呢個獎，可以行到今時今日，真係好多謝媽咪，佢教咗我好多重要嘅嘢，之前一路都未放低，終於可以拎到獎，我知道佢可以睇到。」無綫遊戲規矩向來冇到冇獎，宣萱前晚缺席，記者昨聯絡她未有回覆。
King Jer前晚在fb貼出唐詩詠捧獎相，卻抵死贈興：「黑人問號.gif #咁都得 #笑咗」，網友搭嘴，最多like的留言竟是：「最黑人問號is大塊田五名都冇」，King Jer回覆：「發緊夢冇聽，翠如有冇？」有網友爆粗留負評：「真係X出聲！本身唔憎佢，但佢憑乜？仲有宣萱先係女一！成套嘢都唔覺佢係女主角！」，還揶揄「唐XX做嘅角色淨係識喊，選前又不斷造新聞，同洪XX拖泥帶水，唔知想點。」離奇在於逾3,500個like竟然來自俄羅斯等非亞洲地區，而超過2,500個嬲嬲中，大部份來自香港。
《超時空男臣》的朱晨麗奪最佳女配角同樣失民心，網友前晚瘋狂洗版，替大熱倒灶的民選最佳女配角林淑敏不值。林淑敏昨回應傳媒：「多謝每一個鍾意大小姐嘅人，其實我一路做落嚟，得到嘅真係比預期多，好似我當初祈禱想入處境劇，都係希望可以要一個穩定嘅時間，想磨練演技。到咗家大家咁鍾意，已經超過我當日禱告所要求嘅嘢。」
此外，無綫去年為力谷台慶劇《溏心風暴3》，將頒獎禮改期到前晚，該劇夏雨、黃宗澤、李司棋等有份角逐視帝視后，甚至搏到盡床戲連場的陳敏之也提名最佳女配角，可是最終《溏心3》爆煲，全軍覆沒。對於《溏心3》吃白果，敏之大感可惜：「我都當自己得到獎，贏到四方八面網民支持同讚賞，得到好多觀眾認同，獎項係錦上添花，我希望向最佳女主角獎進發。」
無綫前晚的頒獎禮部份賽果被質疑，通訊事務管理局辦公室發言人昨電郵回覆接獲10宗投訴，主要投訴賽果不公，未有公開得獎票數和透明度不足，有造馬之嫌。對於得獎惹非議，唐詩詠和朱晨麗至截稿時沒有回覆。
