46歲嘅黎姿喺09年宣佈同商人馬廷強結婚，之後淡出娛圈，除咗專心相夫教女之外，仲幫因為車禍受傷嘅細佬黎嬰打理佢嘅美容生意！


啱啱過咗嘅星期四，即係18號嗰日，黎姿喺網上貼咗同老公馬廷強嘅結婚相，原來嗰日係佢哋結婚9周年，喺呢個咁重要嘅日子，梗係要晒吓恩愛喇！正如黎姿咁講，9年前同o依家有冇乜嘢唔同，已經唔重要，最緊要係佢哋一齊建造咗溫暖美滿嘅家庭，令到佢變得自信，知足和快樂！(新聞連結：http://bit.ly/2DUZZXQ)


日前《蘋果》喺尖沙嘴海港城見到黎姿，嗰陣大約係夜晚7點左右，黎姿同埋兩個女同事喺商場行嚟行去，但係佢哋似乎唔係SHOPPING，嗰陣見到佢哋三個企埋一齊，好似喺度等緊啲嘢，個樣有啲心急，睇真啲，原來佢老公馬廷強坐住架三輪電動輪椅，喺後面等佢！


冇耐黎姿同埋兩個同事行埋去老公身邊，幾個人企埋一齊等多一陣，就急急咁行上車！原來黎姿之所以咁心急，就係唔想老公喺度等咁耐，真係好體貼喎！




攝影：徐錦池黎姿個樣好似好心急喎！點解老公喺側邊等？
黎姿行埋去老公身邊等。