20歲女星「紫天椒」嘉兒莫蕊茲（Chloe Moretz）同碧咸18歲大仔Brooklyn，再度翻撻之後，呢對小情人好恩愛，連碧咸嫂Victoria都曾經like過嘉兒嘅po，可見碧咸嫂對呢位未來新抱仔都好滿意。


其實嘉兒自去年夏天同Brooklyn復合以來，唔止一次着住碧咸嫂品牌Victoria Beckham嘅衫出席活動，而嘉兒近日為新片《The Miseducation of Cameron Post》現身辛丹斯電影節宣傳時，又被發現着住來自碧咸嫂品牌嘅服裝，其中嘉兒着住黑褸黑褲嘅中性打扮，同碧咸嫂去年11月出席活動時嘅簡直一模一樣，唔少網民都話近來嘉兒越嚟越似碧咸嫂。





「紫天椒」嘉兒莫蕊茲近日着住碧咸嫂品牌嘅服裝。其中嘉兒呢身打扮被指同碧咸嫂上年出席活動時差唔多。
碧咸嫂去年底就以呢身打扮捧獎。嘉兒去年已開始着Victoria Beckham嘅服裝，但仍然保留少女味。近期，嘉兒越嚟似碧咸嫂。
嘉兒同Brooklyn再度翻撻，好恩愛。