吳業坤、王梓軒同姜麗文(Lesley)今日喺新城接受薛家燕訪問，宣傳佢哋嘅綜藝節目《新春辦年貨》，佢哋大爆節目大放笑彈，笑料百出。
王梓軒大爆坤哥博愛，對後生女特別照顧，對前輩又特別關注，梓軒仲爆坤哥鍾意收集家燕姐唇印，問坤哥點解咁做？坤哥直認覺得家燕姐唇印好性感，家燕姐笑話坤哥需要母愛，仲話：「佢當我情人，我小鮮肉OK嘅。」而每一集節目都會有唱歌環節，仲係由梓軒編曲，家燕姐話呢個構思係汪阿姐諗出嚟嘅，講到阿姐話大台有山頭文化，家燕姐話：「呀姐喺電視台幾十年，有好多在職或之前在職嘅，阿姐睇住一齊成長，佢係講出大家嘅心聲，包括人工要加，工作時間唔可以太過長，因為身體健康狀態唔好就做得唔好，我覺得係啱、支持。」問家燕姐覺得公司有山頭文化嗎？佢話：「每間大公司都有，大家要互相體諒同溝通，係良性競爭。」
 吳業坤、王梓軒同姜麗文(Lesley)今日喺新城接受薛家燕訪問。 |  王梓軒大爆坤哥博愛，對後生女特別照顧，對前輩又特別關注。 |  講到阿姐話大台有山頭文化，家燕姐話：「佢係講出大家嘅心聲，我覺得係啱、支持。」 |
