日前大陸傳媒盛傳王菲有望喺今年央視春晚有望會合好姊妹那英，一齊演出，仲話佢哋會將當年前嘅話題作《相約98》，改歌詞到適合2018年再唱，今日再有大陸媒體指，新版《相約98》係流料，反而話會演唱一首剛剛完成創作嘅新歌《重逢》，仲話搵過那英經理人求證，但對方回覆休假中，唔清楚實況不便透露，總之就講到似層層咁。


相信好多觀眾都好期待王菲出山演唱，不過咁喎，大陸廣電總局宣傳司司長高長力日前喺宣傳例會中提到「4不用」嘅「限娛令N.0」（新聞連結：http://bit.ly/2E84GxH），當中包含規管起用有紋身藝人嘅情況，但王菲喺腰間有個同霆鋒當年拍拖紋落嘅情侶紋身，咦？咁點搞呢？


參考番過往有紋身嘅藝人上電視節目時露到紋身嘅處理方法，好似吳尊喺《爸爸去哪兒》佢腳上嘅紋身全部被刪除或打格，而王菲大女竇靖童，舊年上大陸節目《快樂大本營》時，下巴嗰條為咗妹妹李嫣紋嘅「死亡風」紋身亦離奇消失，被指可能係電視台做過手腳。


既然喺「限娛令N.0」推出前都已經咁嚴，家陣仲推埋條例，到底王菲係咪真係可以順利如傳聞般上春晚演出呢？


講開又講，喺大陸有「國民老公」之稱嘅陳偉霆都有唔少紋身，如果佢冇洗走的話，佢手臂內側、前臂、膊頭位、胸口、前腰間（人魚線嗰個位），連手指都有，家陣有「限娛令N.0」，到底「國民老公」今次點拆招？仲有「萬人迷」碧咸都係愛紋身之人，如果「限娛令N.0」真係實行，咁碧咸咪唔可以返去搵人仔？


最港電影大獎投票網址
http://bit.ly/thekongestfilmawards


精選娛聞，喺晒《娛果》
http://fb.com/appledailyent


（資料圖片）童童下巴嘅紋身好有意義，但上大陸節目「被消失」。（資料圖片）去年7月同馬思純、周冬雨參演《快樂大本營》時，下巴紋身離奇被執走。 （微博圖片）
陳偉霆嘅紋身唔少，包括手指。（資料圖片）人魚線位置（資料圖片）胸前（陳偉霆Instagram圖片）
前臂都有碧咸亦係好多紋身，有時着長袖衫都遮唔晒。（資料圖片）