林依晨一向走微胖女生路線，睇佢演《惡作劇之吻》高中女生袁湘琴，仍然大受歡迎，雖然有啲包包面，不過臉型圓大、下巴豐滿等，唔少相士都話佢擁有旺夫面相，唔只旺老公，就連同佢合作嘅男藝人都會人氣急升，但係林依晨日前出席電影《嘉年華》宣傳，忽然塊面瘦晒，招牌baby face不見了!
唔少fans覺得林依晨睇落有啲憔悴，甚至傳出其患厭食症，事緣fans擔心林依晨減肥過度患上厭食症，為咗令fans消除疑慮。
今日有台媒問過林依晨經理人，經理人笑言：「怎麼可能，她那麼貪吃的人，隨身要帶小零食解饞。」經理人強調網民見到嘅相，只係喺冇燈嘅角落被影到，光同陰影關係，林依晨先會睇落瘦咗咁多，代其打破厭食症傳聞。
林依晨過去出現水腫、體重忽胖忽瘦，月經不順等，曾接受檢查，發現腦下垂體長腫瘤，26歲嗰年要做手術，之後林依晨開始注重養生，亦有修身成功，所以今次忽然變瘦，才令fans擔心不已。
