鞏俐曾說：「看到人家一對對都會很羨慕，從小到大都是愛情第一，工作第二。」三年前她接受《蘋果》專訪，提到目前感情生活及另一半是否要繼續努力時，她帶著幸福的笑容說：「感情生活好囉，大家一齊努力。」
鞏俐自與新加坡富商黃和祥離婚後，鮮少有新戀情傳出，愛情至上，但也愛得低調。已屆52歲嘅佢，近日被拍得同一名外籍男子上海街頭十指緊扣，原來對方係現年69歲法國電子樂大師Jean-Michel Jarre。依家身在上海同趙又廷拍攝婁燁執導新片嘅鞏俐，收工之後同男友拖手仔享受二人世界。
喺男友面前，鞏俐素顏示人，戴眼鏡，同男友名牌精品店，試下衫睇下手袋，最後乜都冇買，沿路有講有笑，非常甜蜜。但兩人拍拖並非近月嘅事，2017年佢哋喺法國拖手仔行街都俾人發現，同年2月仲一齊行格林美音樂大獎紅毯，據悉當時鞏俐係以是Jean-Michel Jarre家屬身分出席。
Jean-Michel Jarre係殿堂級電子音樂大師、七十年代電子音樂先鋒。2011年摩納哥時任元首阿爾貝二世親王（Prince Albert II）迎娶南非前奧運泳手維特施托克（Charlene Wittstock），皇室與民同樂，仲舉行大型音樂會，當時就係請來Jean-Michel Jarre表演。
Jean-Michel Jarre嘅演出特色係，使用大量雷射燈光、煙火效果，以舉辦宏大的戶外音樂會聞名，觀眾人數甚至曾破過三次世界紀錄，亦有人稱Jean-Michel Jarre係帶領外國電子音樂走入「紅色中國」嘅先驅。其首張專輯《Oxygène》於1976年發行，銷量超過1,500萬張。
講番鞏俐，過去曾與名導張藝謀有過一段戀情，拍拖8年戀情無疾而終，96年鞏俐同新加坡富商黃和祥結婚，婚姻僅維繫十三年，09年離婚。鞏俐對上一個傳出緋聞嘅男友，係細佢13年嘅法籍攝影師Chang。
 素顏照：「娛樂給我五」圖片 |  Jean-Michel Jarre ig圖片 |  Jean-Michel Jarre ig圖片 |
 Jean-Michel Jarre ig圖片 |  去年2月，鞏俐有份出席格林美音樂大獎行紅地毯，當時大家都俾佢個心形胸吸引住… (資料圖片) |  但原來…當日鞏俐係同Jean-Michel Jarre 拖手出席0架。(資料圖片) |
